Liebi Chinde, liebi Eltere
En wunderschöne Alass isches gsi letscht Jahr am 6. Dezember 2023. Sooo viel Chinde sind cho und händ mir und am Schmutzli wunderbari Versli ufgseit, Liedli gsunge und schöni Zeichnige mitbracht.
Sogar am Eseli, wo leider krank worde isch, wahrschindlich vor luuter Ufregig, händer es feins Rüebli bracht.
Das Jahr wird de Samichlaus mit em Schmutzli am Fritig 6. Dezember 2024 vo 18.30 bis 19.30 Uhr wieder det si.
Also bhaltet eu doch de Termin frei.
Mit liebe Grüess vom Samichlaus und Schmutzli
Im Name vom Dorfverein Thalheim/ Gütighausen möchted mir eus no bi de Gmeind Thalheim ganz herzlich für d Unterstützig bedanke.
Nicole Gutknecht