Liebi Chinde, liebi Eltere
Ich han bim Pilzle im Wald de Samichlaus und de Schmutzli atroffe, sie händ mich gfröget, öb die liebe Chinde vo Thalheim/ Gütighausen wieder es schöns Sprüchli ufsäged. Ich han ihne denn gseit, ja das mached sie sicher wieder gern.
Sie freued sich jetzt scho eu zgseh und sind gspannt uf eui Sprüchli. Sie händ mir au versproche, dass sie wieder en Sack feini Sache mit bringed.
Also chömed doch am 6. Dezember 2022, 18 bis 19 Uhr uf de Kiesparkplatz hinder de Gmeind. Nämed es Säckli mit, dass er öppis feins chan dri fülle.
Öppis z trinke für di Grosse und Chliine wird’s au gä.
Liebi Grüess vom Samichlaus und Schmutzli
Unterstützt vo de Gmeind Thalheim,
organisiert vom Dorfverein Thalheim/ Gütighausen.
Nicole Gutknecht