Wirds langsam chälter im Land
stönds da Stand a Stand.
Hüt isch Jahrmäärt z Andelfinge
da muesch frühe dini Ware bringe.
Au dä Dorfverein Thalheim Güetighuuse
isch dänn nüme am pfuuse.
Am sibni vor em erschte Kafi,
simer unterwägs nach «Afi».
Stand iirichte dänn simmer parat
«Hamburger» staht uf äm Plakat.
Ob mit Ketchup, Senf oder Bölle,
nid jede hät än glichlige wölle.
Eine zum Znüni, Zmittag oder Znacht
bis zabig hämmer mänge gmacht.
Än hufe Ständ und viel Lüüt.
spat isch es worde hüt.
Zabig am nüni hämers dann gschafft,
müed und verfrore zämepackt.
Än grosse Dank a d’Hälfer no am Schluss,
ja, ja dä Dorfverein dä isch im Schuss.
pr